Sentyabrın 6-da saat 13 radələrində Beyləqan rayonunun Şahsevən qəsəbəsinin ərazisindəki kafedə üç kənd sakini arasında münaqişə baş verməsi ilə bağlı polisə məlumat daxil olub.
DİN-in Mətbuat Xidmətinin regional qrupundan “İki sahil”ə bildirilib ki, odlu silahla iki nəfər kənd sakini xasarət alıb.
Cinayət əməlini törədən şəxs məlumdur, onun tutulması üçün polis əməkdaşları tərəfindən tədbirlər görülür.
Trend-in Qarabağ bürosunun əldə etdiyi xəbərə görə, rayonun Şahsevən qəsəbəsi ərazisində yerləşən kafedə baş verən silahlı insident zamanı 2 nəfər qəsəbə sakini - 1988-ci il təvəllüdlü Məmmədov Natiq Tofiq oğlu və 1983-cü il təvəllüdlü Fırzəliyev Zamiq Nürəli oğlu Beyləqan Mərkəzi Rayon Xəstəxanasına çatdırılıb.
Hadisəni törədən qəsəbə sakini - 1988-ci il təvəllüdlü Əhmədov Ceyhun Rza oğlunun isə hüquq-mühafizə əməkdaşları tərəfindən saxlanılması istiqamətində tədbirlər davam etdirilir.
Hadisənin başvermə səbəbləri araşdırılır.
Xəzərin sahilboyu ərazilərində mövcud tikililərin gələcək taleyi ilə bağlı məsələlərə aydınlıq gətirilib
Xəzər akvatoriyasına aid ərazilərin hüquqi statusu aidiyyəti qurumlarla birgə dəqiqləşdiriləcək