Rusiya lideri Vladimir Putin Çində Slovakiyanın baş naziri Robert Fiko ilə görüşəcək.

“İki sahil” ERR-yə istinadla xəbər verir ki, danışıqların Bratislava ilə Brüssel arasında gərginliyi artıra biləcəyi düşünülür.

“Euractiv”inəməlumatına görə, Fiko Rusiyanın 2022-ci ilin fevralında Ukraynaya genişmiqyaslı işğalı başlayandan bəri Putinlə müntəzəm əlaqə saxlayan azsaylı Avropa İttifaqı liderlərindən biridir.

Kremlin xarici siyasət məsələləri üzrə köməkçisi Yuri Uşakov jurnalistlərə bildirib ki, iki lider arasında nəyi müzakirə edəcəkləri və görüşlərinin dəqiq nə vaxt keçiriləcəyi barədə ətraflı məlumat verilməyib.

Fikonun Asiya teatrında İkinci Dünya Müharibəsinin başa çatması ilə bağlı paradda iştirak etmək üçün Pekinə səfər edəcəyi gözlənilir.

Putin Şanxay Əməkdaşlıq Təşkilatının sammitində iştirak etmək üçün Çinin Tiencin şəhərindədir və Pekin paradında Çin prezidenti Si Cinpinin yanında oturacaq.

Məhərrəm Ağalaroğlu, “İki sahil”