Azərbaycan-Fransız Universiteti (UFAZ) və “PAŞA Bank” ASC-nin birgə təşkilatçılığı ilə keçirilmiş 48 saatlıq “BankTech” Hakatonunda Bakı Ali Neft Məktəbinin (BANM) tələbələri böyük uğura imza atıblar.

BANM-dən "İki sahil"ə bildirilib ki, 170-dən çox komanda arasından seçilən 15 finalçı arasında yarışaraq “Zengezur BHOS” komandası üçüncü yerin qalibi olub.

Komandanın üzvləri biznesin idarə edilməsi ixtisası üzrə təhsil alan III kurs tələbələri Çingiz Məmmədov, Qüdrət Abbaslı və informasiya təhlükəsizliyi ixtisası üzrə təhsil alan III kurs tələbəsi Qüdrət Abbaslı, I kurs tələbəsi Vüsal Hüseynovdur.

Komanda real vaxtda şübhəli əməliyyatları müəyyənləşdirən və qarşısını alan avanqard fırıldaqçılıq aşkarlama sistemi üzrə innovativ həll hazırlayıb.

Tələbələr 1000 manat dəyərində mükafat və “PAŞA Bank”ın “ZirvədəSən” təcrübə proqramında iştirak imkanı qazanıblar.

Komandanın mentoru BANM-in İnnovasiya və tədqiqatlar mərkəzinin rəhbəri Emiliya Əhmədovadır.