SOCAR-ın Bakı Ali Neft Məktəbinin (BANM) növbəti komandası TEKNOFEST-də mükafatlandırıldı!

“İki sahil” xəbər verir ki, TEKNOFEST-2025 texnologiya festivalında fəal iştirak edən #BANM-ın “Xudafərin BHOS” komandası lll yerə layiq görülüb.

Komanda Tədqiqat Layihələri – Ətraf Mühit və Enerji kateqoriyası üzrə bürünc medal əldə edib.

Komandanın  üzvləri Kimya mühəndisliyi ixtisasının lV kurs tələbələri Elnur İslamov, Elnur Məmmədov, Nihad Səfərli, Nəzrin Əfəndiyeva və İlham Kərimlidir. Elmi rəhbəri isə BANM-ın Kimya kafedrasının müəllimi Aysel Məmmədovadır.