Azərbaycan Respublikası İqtisadiyyat Nazirliyinin təşəbbüsü ilə SOCAR-ın Təlim, Tədris və Sertifikatlaşdırma İdarəsində (TTSİ) Mərkəzi Asiya Regional İqtisadi Əməkdaşlıq Təşkilatı (CAREC) ilə əməkdaşlıq proqramı çərçivəsində Asiya İnkişaf Bankının nümayəndə heyəti ilə görüş keçirilib. 

“İki sahil” xəbər verir ki, görüşdə TTSİ-nin fəaliyyəti və qarşıda duran vəzifələr barədə məlumat verilib, “yaşıl enerji” sahəsində təşkil olunan təlim kursları və onların statistik göstəriciləri haqqında təqdimat edilib.

Görüşdə, həmçinin BMT İnkişaf Proqramı və SOCAR-ın birgə “NAMA” layihəsi çərçivəsində quraşdırılmış Eko-sürücülük simulyatoru nümayiş etdirilib, nəqliyyat sahəsindəki təlimlərin əhəmiyyəti vurğulanıb. Görüş zamanı əməkdaşlığın genişləndirilməsi istiqamətində qarrşılıqlı fikir mübadiləsi aparılıb, bu istiqamətdə müxtəlif suallar cavablandırılıb.