İspaniyanın Kataloniya bölgəsinin müstəqillik əldə etməsi üçün keçirəcəyi referendumun seçici sandıqları traktorlar tərəfindən mühafizə ediləcək.

Referenduma dəstək məqsədilə bölgənin müxtəlif yerlərindən Barselonaya fermer axını olub. Onlarla fermer şəhərin "Saqrada Familia” kilsəsi qarşısına toplaşaraq traktor karvanı düzəldib.

"Cerard Batalla” adlı fermer traktorları səsvermə məntəqələrinin yaxınlığında saxlayacaqlarını və referendumu əngəlləmək istəyən qüvvələrin qarşısını alacaqlarını bildirib.

Fermerlər bu yolla İspaniya hökumətinin qanundankənar elan edilən səsverməni ləğv etmək təşəbbüslərinə əngəl olmaq niyyətindədirlər./publika.az