Gənc nəslin tərbiyə olunmasında idmanın rolu çox böyükdür. Prezident İlham Əliyev dəfələrlə gənclərin sağlam ruh və bədənlə böyüməsinin vacibliyini vurğulamış, idmanın bu sahədəki əhəmiyyətini qeyd etmişdir. İdman, yalnız fiziki inkişafı təmin etməklə yanaşı, həm də gənclərin xarakterini formalaşdırır, onlara məsuliyyət, nizam-intizam, əzmkarlıq, əməksevərlik və komanda ruhunu aşılayır.

İdmanla məşğul olan gənclər daha çox öz məqsədlərinə çatmağa, çətinliklərə qarşı müqavimət göstərməyə və sağlam həyat tərzini mənimsəməyə meylli olurlar. Beləliklə, idman, gənclərin sosial və psixoloji inkişafına da müsbət təsir göstərir. Bu, onların məktəb və həyat mübarizəsində daha inamlı, motivasiyalı və məqsədyönlü olmalarını təmin edir.

Prezident İlham Əliyev, idman təhsilinin müasir gənclər üçün əhəmiyyətini vurğulamaqla, bu sahədə dövlətin ciddi dəstək verdiyini qeyd edir. Azərbaycan hökuməti, idman infrastrukturu yaratmaqla yanaşı, gənclərin müxtəlif idman növləri ilə məşğul olmasını təşviq etmək üçün müxtəlif proqramlar həyata keçirir. Bu cür təşəbbüslər, gənclərin sağlam həyat tərzi keçirməklə yanaşı, həm də milli həmrəyliyi gücləndirir və onların beynəlxalq səviyyədə uğurlu və müsbət nümunə olmasını təmin edir.

Nailə Quliyeva,
56 nömrəli məktəbin müəllimi