İspaniyanın “Real Madrid” komandasının futbolçusu Luka Modriç karyerasını bitirmək qərarına gəlib.

"İki sahil" xarici mətbuata istinadən xəbər verir ki, xorvatiyalı yarımmüdafiəçi bu mövsümün sonunda peşəkar futbolla vidalaşacaq.

39 yaşlı futbolçunun qərarına dostu və keçmiş komanda yoldaşı Toni Krossun karyerasını başa vurması təsir edib.

Qeyd edək ki, Luka Modriç davam edən mövsümdə “kral klubu”nun heyətində 25 matçda 4 məhsuldar ötürmə ilə yadda qalıb. O, 2018-ci ildə “Qızıl top” mükafatının sahibi olub.