İsrail ordusu Suriya istiqamətində müdafiəni gücləndirmək üçün nəzarətində olan Qolan təpələrinə əlavə qüvvələr göndərməyi qərara alıb.

“İki sahil” “The Times of Israel”ə istinadla xəbər verir ki, bu barədə ordunun mətbuat xidmətinin məlumatında bildirilib.

"Vəziyyətin qiymətləndirilməsinə uyğun olaraq, İsrail Müdafiə Qüvvələri Suriya-İsrail sərhədi yaxınlığında Qolan təpələri bölgəsində müdafiə tapşırıqlarını yerinə yetirmək üçün əlavə bölmələr cəlb edir", - məlumatda qeyd olunub.

Bildirilib ki, bu, həmçinin qoşunların müxtəlif ssenarilərə hazırlığını artırmağa imkan verəcək.