Paltaryuyan maşın evdə təmizlik və gigiyenanı qoruyub saxlamaqda əvəzsiz köməkçidir. Bununla belə, az adam düşünür ki, bu cihaz həm də təhlükəli infeksiyaların mənbəyi ola bilər. Rusiyalı doktor Baranova bu barədə "Rossiya 1" telekanalında "Ən vacibi haqqında" şousunda daha ətraflı danışıb.

Paltaryuyan maşın infeksiyasının ən ümumi səbəblərindən biri suyu qızdırmayan nasaz bir temperatur sensorudur. Bu, bakteriyaların və kiflərin böyüməsi üçün ideal şərait yaradır. Uşaqlar, yaşlılar və immuniteti zəif olan insanlar bu cür infeksiyalara xüsusilə həssasdırlar.

Paltaryuyan maşının qapısının ətrafındakı rezin mikrobların toplandığı başqa bir yerdir. Müntəzəm təmizliyə baxmayaraq, orada bakteriya, kif və hətta aspergilloz kimi təhlükəli göbələk infeksiyaları toplana bilər.

Paltaryuyan maşını dezinfeksiya etmək üçün aqressiv kimyəvi maddələrin istifadəsinin həll yolu olmadığını xatırlamaq lazımdır. Bu cür məhsulların həddindən artıq istifadəsi əksinə davamlı bakteriyaların inkişafına gətirib çıxarır.

Paltaryuyan maşınınızla əlaqəli infeksiya riskinin qarşısını almaq üçün müntəzəm təmizlik və texniki qulluq həyata keçirmək lazımdır: rezin hissədə kif və bakteriya olub olmadığını yoxlayın, bakteriyaları öldürmək və onların böyüməsinin qarşısını almaq üçün yüksək temperaturda yuma dövrlərindən istifadə edin, paltaryuyan maşını havalandırın, istifadədən sonra qapısını və yuyucu tozu çəkməcəsini bir qədər açıq buraxın. “Bu ehtiyat tədbirlərinə məhəl qoymamaq ciddi sağlamlıq problemlərinə səbəb ola bilər”, -deyə Baranova fikrini yekunlaşdırıb.

Nubar Süleymanova, “İki sahil”