Ramin Məmmədov Naxçıvan şəhərində vətəndaşları qəbul edəcək.

Bu barədə ""İki sahil"ə Dini Qurumlarla İş üzrə Dövlət Komitəsindən məlumat verilib.

Qeyd edilib ki, Dini Komitənin sədri Ramin Məmmədov noyabrın 29-da Naxçıvan şəhəri, Babək, Culfa, Kəngərli, Ordubad, Sədərək, Şahbuz və Şərur rayonlarından olan vətəndaşları qəbul edəcək.

Qəbul saat 11:00-da Naxçıvan Dini Qurumlarla İş üzrə Dövlət Agentliyinin inzibati binasında (Naxçıvan şəhəri, Cəlil Məmmədquluzadə küçəsi, 1/8) keçiriləcək.

Dini Komitənin fəaliyyət istiqamətlərinə uyğun olaraq qəbula gəlmək istəyən vətəndaşlardan Naxçıvan Dini Qurumlarla İş üzrə Dövlət Agentliyinə ((+994) 36 544 56 29, [email protected]) müraciət etmələri xahiş olunur.