COP29-un yüksək səviyyədə təşkilinə görə Azərbaycana təşəkkür edirəm. Təşkilatçılıq gözlədiyimizdən də yüksək oldu.

Bu fikirləri “İki sahil”ə açıqlamasında  COP29 çərçivəsində ölkəmizdə qonaq olan Şərqi Afrikadan olan nümayəndə Ahmed Aly Mohamed söyləyib.

O, Azərbaycanda keçirilən COP-un digərlərindən daha məhsuldar təşkil olunduğunu diqqətə çatdırıb: ”Çünki Azərbaycanda az inkişaf etmiş ölkələrin problemləri gündəmə gətirilir, onların həlli yolları müzakirə olunur”.

Konfrans iştirakçısı Azərbaycanın COP29 konfransına ev sahibliyini yüksək dəyərləndirərək təşkilatçılıqdan məmnunluğunu ifadə edib: “Tədbir çox yüksək səviyyədə təşkil olunub və bütün fəaliyyətlər ardıcıllıqla həyata keçirilir. Bakı gözəl şəhərdir və ölkədə mühüm beynəlxalq nümayəndələrin iştirakı tədbirə əlavə dəyər qatır”.

Yaqut Ağaşahqızı, “İki sahil”