Azərbaycan Xəzər dənizinin ekologiyasını qorumaq üçün əlindən gələni edir. Biz daha çox su toplamaq və dənizə çatdırmaq üçün yeni bəndlər, su anbarları tikirik. Ancaq gəlin açıq deyək: bu tədbirlər vacib olsa da, təkbaşına kifayət deyil. Xəzəri qidalandıran əsas mənbələr bizim nəzarətimizdən kənardadır.

“İki sahil” xəbər verir ki, bu sözləri Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva Xəzər dənizinin ekologiyası mövzusunda keçirilən QHT-lərin beynəlxalq forumunda söyləyib.

O ki bu əvəzedilməz resursu xilas etmək üçün bizim kollektiv fəaliyyətə - regional əməkdaşlıq və qlobal həmrəyliyə ehtiyacımız var. Vətəndaş cəmiyyəti, xüsusən də qeyri-hökumət təşkilatları bu mübarizədə mühüm rol oynayır.

"QHT-lər xalqın səsi, hesabatlılığın keşikçiləri və kütləvi aksiyaların aparıcılarıdır. Siyasətləri tərəqqiyə, öhdəlikləri isə dəyişikliyə çevirmək üçün onların işi çox vacibdir. Onlar bizə xatırladırlar ki, Xəzər dənizi böhranının həlli yolları yalnız hökumətlərdən gələ bilməz. İndi biz cəsarətlə hərəkət etməliyik. Xəzər dənizi icmaları, iqtisadiyyatları və ekosistemləri saxlayan həyat xəttidir. Onun yaşaması bizim birliyimizdən, cəsarətimizdən və daha yaxşı sabah üçün bu gün çətin seçimlər etmək istəyimizdən asılıdır", - deyə A. Əliyeva vurğulayıb.