Paris Sazişinin məqsədlərinə çatmaqda qida istehsalı mühüm yer tutur.

“İki sahil” xəbər verir ki, bunu Uruqavayın kənd təsərrüfatı naziri Mattos Kusto COP29 çərçivəsində təşkil olunmuş "Fermerlər üçün Bakı Harmoniya İqlim Təşəbbüsünün işə salınması: fermerlərin iqlim dəyişikliyinə qarşı dayanıqlığının artırılması üçün imkanların genişləndirilməsi" adlı tədbirdə bildirib.

"Dünyada ərzaq məhsullarının 14 %-i iqlim dəyişikliyinə yüksək həssas olan inkişaf etməkdə olan ölkələrlə inteqrasiya olunmuş Latın Amerikasında istehsal olunur. Uruqvay qida istehsalının daha səmərəli, əhatəli və davamlı olmasına dərindən sadiqdir. Biz bunun yaratdığı böyük problemin və onun həlli üçün hazırda mövcud olan məhdud resursların tam fərqindəyik", - deyə o qeyd edib.