Slovakiya prezident administrasiyası vergi fırıldaqlarında təqsirli bilinən sabiq prezident Andrey Kiskanın pensiyasını dayandırıb.

“İki sahil” xəbər verir ki, bu barədə “ABC News” məlumat yayıb.

Qeyd edilib ki, Prezident Administrasiyasının məlumatına görə, ödənişlərin dayandırılması barədə qərar apellyasiya məhkəməsinin 2024-cü il oktyabrın 31-də təsdiq etdiyi aşağı instansiya məhkəməsinin qərarına əsaslanıb. Həmin qərarda Kiska vergi fırıldaqçılığında təqsirli bilinərək bir il sınaq müddətinə azadlıqdan məhrum edilib.

Hökm qətidir, lakin təqsirsizliyini qoruyan Kiska fürsətdən istifadə edərək ölkənin Ali Məhkəməsinə müraciət edəcəyini bildirib.

Məlumat üçün bildirək ki, Kiska 2014-cü ildə keçirilən prezident seçkilərində o vaxtkı baş nazir Robert Fitsonu məğlub edərək 5 il müddətinə Slovakiyanın prezidenti olub. Prezidentlik daha çox rəsmi səlahiyyətlərə malik olsa da, Kiskanın prezidentliyi Fitso ilə münaqişələrlə keçib.

Qərbyönlü kimi tanınan Kiska 2019-cu ildə ikinci müddətə namizəd olmayıb. Robert Fitso 2023-cü ildə baş nazir kimi üçüncü müddətə başlayır.

Məhərrəm Ağalaroğlu, “İki sahil”