Antibiotiklərin artıq əvvəlki kimi kömək etmədiyi bir dövrdə bakterial infeksiyalarla necə mübarizə aparmaq olar? Rusiyalı həkim Aleksandr Myasnikov “Rossiya 1” telekanalında yayımlanan müəllif proqramında öz fikirlərini və praktiki məsləhətlərini bölüşüb.

Biz hamımız hər hansı bir infeksiyanın antibiotiklərlə müalicə olunduğu bir dövrdə böyümüşük. İndi isə tibb ictimaiyyətində ilkin olaraq istənilən antibiotikə davamlı olan yeni bakteriya ştammlarının meydana çıxması ilə bağlı müzakirələr getdikcə artır. Bu superbakteriyalarla necə mübarizə aparmaq olar? Həkim Aleksandr Myasnikovun sözlərinə görə, onlara müqavimət göstərməyə cəhd etmək mütləqdir.

"Epidemiya zamanı insanlar necə sağ qaldılar? Kimlər pnevmoniyadan və s. sağ qaldı? Əlbəttə ki, güclü təbii immunitetə ​​malik insanlar. Həmişə olduğu kimi və heyvan sürüsündə də olduğu kimi əvvəlcə zəiflər və xəstələr ölür. İnfeksiyalar həmişə zəif fərdləri seçir. Buna görə də insan çalışıb güclü və sağlam olmalıdır. Bunun üçün fiziki fəaliyyət, sağlam qidalanma və pozitiv düşünmək əsasdır”,-deyə həkim fikrini tamamlayıb.

Nubar Süleymanova, “İki sahil”