“Prezident İlham Əliyevin 23 sentyabr tarixində Milli Məclisdəki çıxışı müstəqilliyimizin və dövlətçiliyimizin gücünün təsdiqidir. İkinci Qarabağ müharibəsi və antiterror əməliyyatları ilə suverenliyimizin tam bərpası ölkəmizə yeni inkişaf imkanları açıb”.

“İki sahil” xəbər verir ki, bu fikirləri millət vəkili Müşfiq Məmmədli səsləndirib.

Müşfiq Məmmədli vurğulayıb ki, Ermənistanın revanşist qüvvələrinin fəaliyyəti diqqətlə izlənir və ölkəmizin təhlükəsizliyi üçün bütün lazımi tədbirlər görülür. Azərbaycanın beynəlxalq mövqeləri son illərdə daha da möhkəmlənib, vətənpərvərliyimiz dünya miqyasında nümunədir. Azərbaycanın ordu quruculuğu sahəsində atdığı addımlar ərazi bütövlüyümüzü qorumaq üçün həyati əhəmiyyət daşıyır. Prezident İlham Əliyevin çıxışı xalqımızın iradəsinin, dövlətçiliyimizin sabitliyinin və gələcək nəsillər üçün qurduğumuz güclü Azərbaycanın təminatıdır.