Xoşbəxt Yusifzadə: Natiq Əliyevin Dövlət Neft Şirkətinə rəhbərlik etdiyi dövrdə 24 mühüm müqavilə imzalanıb

İctimai-siyasi xadim, mərhum energetika naziri, "Şöhrət" ordenli, Əməkdar Mühəndis Natiq Əliyevin Dövlət Neft Şirkətinə rəhbərlik etdiyi dövrdə 24 mühüm müqavilə imzalanıb.

AZƏRTAC xəbər verir ki, bu sözləri Azərbaycanın mərhum energetika naziri Natiq Əliyevin 70 illik yubileyi ilə əlaqədar noyabrın 23-də keçirilən anım tədbirində SOCAR-ın birinci vitse-prezidenti, akademik Xoşbəxt Yusifzadə deyib.

Akademik qeyd edib ki, Natiq Əliyevi təkcə Azərbaycanda deyil, Türkiyədə, Rusiyada, ABŞ-da, Böyük Britaniyada, dünyanın bir çox ölkələrində də yaxşı tanıyırdılar.

"O, daim sadə, səmimi və mehriban bir insan kimi xatirələrdə qalacaq. Sadəlik onun həyat tərzi idi. Natiq Əliyevi tanıyanların qəlbində o həmişə bu cür də yaşayacaq", - deyə X.Yusifzadə əlavə edib.