Bəzilərinin dediyi kimi, zəiflikdə müəyyən bir gözəllik və güc var. Ancaq bəzən insanlar arasındakı bərabərsizlik yalnız kədər gətirir. Bütün dünyada aktual, lakin tez-tez dilə gətirilməyən problem olan məişət zorakılığı ilə bağlı vəziyyət belədir. Türkiyədəki bir sənətkar problemi o qədər vacib hesab etdi ki, o, bunu öz həmvətənlərinin diqqətinə çatdırmağın bir yolunu tapdı.

Biz dünyanın hər yerindən qadınlara qarşı məişət zorakılığı haqqında çoxlu hekayələr eşidirik və bu, qadınlar arasında zorakılıqla ölümlərin ən çox yayılmış səbəblərindən biridir. Türkiyədəki məsələlərə gəlincə, rəqəmlər qadınların təxminən 40 faizinin məişət zorakılığından əziyyət çəkdiyini və bəzi hallarda bunun ən faciəli sonluqla bitdiyini göstərir. Bu məsələlərə diqqəti cəlb etmək üçün bir rəssam heç kimin qaçıra bilməyəcəyi bir abidə ideyası ilə çıxış edib.

Rəssam dikdaban ayaqqabılarla sənət əsəri yaradaraq ictimaiyyətin diqqətini cəlb etməyə çalışıb. Əsər ötən illərin birində Türkiyədə bir il ərzində həyat yoldaşı tərəfindən öldürülmüş 440 qadının xatirəsinə həsr olunub. O bildirib ki, bir tərəfdən dikdaban ayaqqabıları əsasən estetik baxımdan seçdiyi üçün bunu birbaşa mesaj kimi qəbul etmək olmaz. Axı bu vizualdır, ona görə də o, belə seçim edib. Digər tərəfdən, rəssam qadınların məşğulluğunun və buna görə də həyat yoldaşlarından asılı olmadan özlərinə baxa bilmələrinin simvolu olaraq görülə biləcəyini söyləyib.

Rəssam biliyin güc olduğuna inanır və buna görə də problemi öyrənmək və fərd olaraq onu necə həll edəcəyini bilmək vacibdir. Sistemi dəyişdirmək üçün çoxlu fərdi hərəkətlər lazımdır. Tuna Vahitanın digər layihələri də öz ölkəsinin üzləşdiyi sosial və iqtisadi məsələləri əhatə edir.

Nubar Süleymanova, “İki sahil”