"Vulverhempton"un vingeri Pedro Neto 60+3 milyon avroya "Çelsi"yə keçəcək.
“İki sahil” xəbər verir ki, bu barədə jurnalist Fabrizio Romano X sosial şəbəkəsində məlumat yayıb.
60 milyon avro sabit məbləğ, daha 3 milyon avro isə əlavə ödənişlər şəklində ödəniləcək. Netu tezliklə London klubunda tibbi müayinədən keçəcək.
Ötən mövsüm Netu bütün yarışlarda 24 matçda iştirak edib və bu matçlarda 3 qol vurub, 11 qolun ötürməsini verib.
