Döşəyinizi nə qədər tez-tez dəyişməli olduğunuz, onun əhvala və stresə necə təsir etdiyi və düzgün döşəyi necə seçməli olduğunuz barədə məlumatınız varmı?
Döşək on ildən bir, yuxu probleminiz və ya xroniki xəstəlikləriniz varsa - hər 5 ildən bir dəyişilməlidir. Döşəyi tövsiyə olunan müddətdən artıq istifadə etmək gigiyena baxımından zərərlidir, həm də narahatlığa səbəb olur.
Əgər uzun müddət oyaq qalıb, yuxuya gedə bilmirsinizsə, səbəb döşək ola bilər. Alimlərin araşdırması göstərir ki, insan özünü sağlam hiss edirsə, 15 dəqiqədən çox olmayan müddətə yuxuya getməlidir. Bu, on beş dəqiqədən çox çəkirsə, çox güman ki, döşək sizin üçün uyğun deyil və onu uyğun birinə dəyişdirməlisiniz.
Məhsulun keyfiyyəti stresi azaldır. Yuxusuzluq və stress arasında aydın bir əlaqə var. Xüsusi araşdırmalara əsasən iddia edilir ki, yeni orta sərtlikdə döşəkdə yatan insan özünü daha rahat hiss edir. Belə döşəklər yuxu keyfiyyətini yaxşılaşdırır və bədən ağrısını azaldır. Buna görə də əgər bir insan tez-tez əsəbiləşirsə, heç bir səbəb olmadan narahat və gərgindirsə, çox güman ki, problem uyğun olmayan döşəkdədir.
Bundan əlavə, tənəffüs yolları ilə əlaqəli xəstəliklərin simptomlarının pisləşməsi, öskürək və ya allergik reaksiyalar varsa, onun vəziyyətinə və dəyişdirilməsinin mümkünlüyünə diqqət yetirmək tövsiyə olunur. Mikroblar və toz gənələri zamanla toplanır və onların tullantıları güclü allergenlərdir.
Təmizliyi qorumaq üçün ən azı iki-üç aydan bir tozsoranın xüsusi ucluğundan istifadə edərək təmizləmə aparmaq məsləhətdir.
Bəzən dezinfeksiya etmək lazımdır, bunun üçün soda istifadə edin. Üstünə soda səpin, 40 dəqiqə gözləyin və sonra tozsoranla götürün. Dərhal yatağı örtməyin. Mikrobları cəlb edən rütubəti azaltmaq üçün onu havalandırın.
Döşəkləri tez-tez çevirmək də tövsiyə olunur. Yeni döşəkdə bu çox vacibdir ki, döşək bədəninizə uyğunlaşa bilsin. İnversiya həm də döşəklərin, xüsusən də ortopedik yaylıların uzun ömür sürməsini təmin edir. Bu proses onların daxili təbəqəsini bərpa etməyə kömək edir.
Nubar Süleymanova, “İki sahil”
