Yalnız şagirdlər üçün deyil, həm də valideynlər və müəllimlər üçün “yaşıl təhsil”in təmin edilməsinə ehtiyac var.

“İki sahil” xəbər verir ki, bunu BMT-nin Azərbaycandakı rezident-əlaqələndiricisi Vladanka Andreyeva Qoşulmama Hərəkatının Gənclər Təşkilatının təşkil etdiyi iqlimlə bağlı fəaliyyətə dair forum zamanı deyib.

“Uşaqları məsuliyyətli vətəndaş olmağa hazırlayacaq, onların gələcəkdə aşağı karbonlu iqtisadiyyat dünyasında iş tapmalarına imkan yaradan yeni qabiliyyətlərə sahib olmalarına yardım göstərəcək “yaşıl proqramlar”a ehtiyacımız var”, - o vurğulayıb.

Onun sözlərinə görə, COP29 bütün insanların, o cümlədən gənclərin səsini birləşdirəcək platforma olacaq:

“İqlim dəyişikliyi ilə mübarizəyə gəlincə, bununla bağlı cəmiyyəti səfərbər etmək çox vacibdir”.