Azərbaycan və Özbəkistan arasında bərpa olunan enerji sektorunda əməkdaşlıq müzakirə edilib.

“İki sahil” xəbər verir ki, bu barədə Azərbaycan Respublikası Dövlət Neft Şirkətinin (SOCAR) prezidenti Rövşən Nəcəf “X” sosial şəbəkəsindəki hesabında yazıb.

“26-cı Özbəkistanın Neft və Qazı - OGU 2024” beynəlxalq sərgi və konfransında “Özbəkneftqaz” ASC-nin sədri Baxodirjon Sidiqovla məhsuldar görüşümüz oldu.

Görüşdə ikitərəfli əlaqələrin uğurlu inkişafını, eləcə də insan kapitalı, bərpa olunan enerji, dekarbonizasiya, innovasiya və rəqəmsallaşma sahələrində mövcud və perspektiv əməkdaşlıq imkanlarını müzakirə etdik. Həmçinin qarşılıqlı maraq doğuran müxtəlif məsələlər ətrafında fikir mübadiləsi apardıq”, - R. Nəcəf qeyd edib.

At the 26th "Oil and Gas of Uzbekistan - OGU 2024" international exhibition and conference, we had a productive meeting with Baxodirjon Sidiqov, Chairman of Uzbekneftegaz. We discussed the successful development of our cooperative relations and explored current and prospective… pic.twitter.com/fLOROOxQLC

— Rovshan Najaf (@RovshanNajaf) May 14, 2024