“SOCAR Türkiyə”nin Neft Emalı və Neft Kimyası İş Mükəmməlliyi komandası və Koç Universiteti Marketinq fakültəsinin 3-cü və 4-cü kurs tələbələrinin bir araya gəldiyi "Case Study" tədbiri keçirilib.

“İki sahil” xəbər verir ki, “SOCAR Türkiyə” paylaşım edib.

Tədbirdə “SOCAR Türkiyə” şirkətinin baş icraçı direktoru Elçin İbadov, İnsan Resursları və Korporativ Xidmətlər üzrə baş icraçı direktorun müavini Nailə Məmmədova və Neft Emalı və Neft-Kimya Biznes Bölməsi rəhbərinin biznes mükəmməlliyi üzrə müavini İbrahim Kadıoğlu çıxış ediblər.

Koç Universitetinin tələbələri tərəfindən “Case Study” çərçivəsində hazırlanan işlərlə bağlı təqdimatlar edilib.

Təqdimatlardan sonra edilən qiymətləndirmələr nəticəsində qalib komanda müəyyən olunub.