Rusiyanın Sverdlovsk vilayətinin rəsmi qəzeti “Oblastnaya qazeta”da Ümummilli Lider Heydər Əliyevin 100 illik yubileyinə həsr olunmuş “Azərbaycan ilə Rusiya arasında münasibətlərin inkişafında Heydər Əliyevin rolu” adlı məqalə dərc edilib.

“İki sahil” xəbər verir ki, müəllifi Azərbaycanın Yekaterinburqdakı baş konsulu vəzifəsini icra edən Şöhrət Mustafayev olan məqalədə Heydər Əliyevin Azərbaycan ilə Rusiya arasında münasibətlərin nizamlanmasında rolu, Ulu Öndərin SSRİ Nazirlər Soveti sədrinin birinci müavini vəzifəsində çalışdığı dövrlərdə nəzarət etdiyi sahələrdə həyata keçirilən uğurlu layihələr, xalqın təkidi ilə Azərbaycan rəhbərliyinə qayıdışından sonra ölkəmizin müasir tarixinə qızıl hərflərlə yazılmış sürətli inkişaf illərindən ətraflı bəhs edilir.

Yazıda, həmçinin Ulu Öndərin xatirəsinin təkcə Azərbaycanda deyil, eləcə də keçmiş SSRİ xalqları tərəfindən ehtiramla anıldığı vurğulanır.