Ermənistanın paytaxtı İrəvanda Malatiya-Sebastiya inzibati rayonunda hüquq-mühafizə orqanları əməkdaşlarının gücləndirilən növbətçiliyi zamanı 150-dən çox insan polis bölmələrinə aparılıb.

“İki sahil” xəbər verir ki, bu barədə yerli polisin mətbuat xidməti məlumat yayıb.

Qeyd edilir ki, polis əməkdaşları onlarla nəqliyyat vasitəsini yoxlayıb.

Məlumata görə, yoxlamalar zamanı müxtəlif növ odlu silahlar (o cümlədən “Kalaşnikov” avtomatı), bıçaqlar, dəyənəklər, saxta və oğurlanmış dövlət nömrə nişanları aşkar edilib. Eyni zamanda narkotik vasitələrin qanunsuz dövriyyəsi halları da müəyyən olunub.

Hüquq-mühafizə orqanlarının əməkdaşları gücləndirilmiş növbətçilik zamanı Erebuni Polis İdarəsi tərəfindən axtarışda olan 27 yaşlı kişini də saxlayıblar.