Yanvarın 4-dən etibarən Rusiya Fövqəladə Hallar Nazirliyinin 20 nəfərdən ibarət qrupu Ağdam rayonu ərazisində minalardan təmizləmə əməliyyatlarına başlayıb.
Bunu "İki sahil"ə Rusiyanın "Lider" xüsusi riskli xilasetmə əməliyyatları mərkəzinin rəisi Anatoli Savvin deyib.
O bildirib ki, hazırda mina sahəsində işlər aparılır: "Bu günədək mexaniki tral yolu ilə 25 ədəd piyada əleyhinə mina zərərsizləşdirilib və 2 min kvadrat metrdən çox ərazi təmizlənib. Ərazidə sıxılma prinsipi ilə işləyən piyada əyehinə minalar var".
