Erməni general, Ermənistan parlamentinin sabiq deputatı Manvel Qriqoryan ölüb.

Trend bu barədə erməni KİV-lərinə istinadən məlumat verir.

Qeyd olunub ki, M.Qriqoryan oktyabrın 7-dən Dağlıq Qarabağ münaqişə zonasında olub. Oktyabrın 20-də onun vəziyyətinin kəskin pisləşdiyi və Ermənistanda xəstəxanaya aparıldığı deyilib.

Onun ölüm səbəbi barədə məlumat verilməyib.

Qeyd edək ki, Manvel Qriqoryan birinci Qarabağ müharibəsində Cəbrayıl və Füzulini işğal etmiş 5-ci briqadanın komandiri olub. O, Füzuli rayonunun dağıdılmasında iştirak edib və hərbi əsirlərlə xüsusi amansız davranışı ilə seçilib. O, həmçinin Xocalı soyqırımının iştirakçısı olub.