Azərbaycan Milli Xalça Muzeyi təcrübə proqramını davam etdirir.

Muzeydən bildirilib ki, proqram gənc kadrların işə cəlb olunması, onların ixtisasının artırılması və yaradıcı istedadına təkan verilməsi məqsədilə həyata keçirilir. Təcrübə proqramında iştirak etmək istəyən hər kəs müraciət edə bilər.

Muzey fəaliyyətini bərpa etdiyi qısa müddət ərzində burada təcrübə keçmək istəyən gənclərin sayı artıb.

Qeyd edək ki, 3 aylıq təcrübə müddəti başa çatdıqdan sonra, iştirakçılar sertifikatlarla təltif olunacaqlar.