Məşhur müğənni Rita Ora koronavirusun şəhərdə daha çox yayılması səbəbindən Londonun mərkəzində yerləşən evindən köçüb.

"İki sahil" xəbər verir ki, müğənni karantin müddətində yaşamaq üçün şəhərdən 240 kilometr uzaqlıqda yerləşən bağ evini kirayələyib. 29 yaşlı Rita yeni albomu üçün bu evdə hazırlıq görəcəyini də deyib. Bağ evində 5 dostu ilə birlikdə yaşayan müğənni təbiətlə çəkdirdiyi fotolarını sosial media hesabında yayımlayır. İzləyicilərinin bir qismi onu tənqid edərək şəhərdə qalıb qaydalara əməl etməsini istədiklərini deyiblər.