Boris Eyfmanın Sankt-Peterburq Dövlət Akademik Balet Teatrının yaradıcı kollektivi ilk dəfə Azərbaycan Dövlət Akademik Opera və Balet Teatrının səhnəsində çıxış edib.

Teatrdan AZƏRTAC-a bildirilib ki, yaradıcı kollektiv “Günahın o biri tərəfi” adlı baleti ilə tamaşaçıların görüşünə gəlib.

Tanınmış balet truppasının Bakı qastrolu X Beynəlxalq M.Rostropoviç Festivalı çərçivəsində reallaşıb.

B.Eyfmanın R.Vaqner, M.Musorqski və S.Raxmaninovun musiqisi əsasında səhnəyə qoyduğu “Günahın o biri tərəfi” baleti M.Dostoyevskinin “Karamazov qardaşları” romanının xoreoqraf tərəfindən yeni versiyada səhnə həllidir. Qeyd edək ki, B.Eyfman tərəfindən tamaşanın ilk quruluşu 1995-ci ildə gerçəkləşib.

Baletin Sankt-Peterburq şəhərində premyerası 2013-cü il aprelin 29-da olub.