Türkiyənin Mədəniyyət və Turizm Nazirliyinin 2019-cu ildə ölkənin film sektoruna dair layihəsi açıqlanıb. Nazirliyin məlumata görə, layihəyə əsasən bu il ölkədə çəkilməsi nəzərdə tutulan 38 tammetrajlı və 3 animasiya filminə 32 milyon 350 min lira maliyyə vəsaiti ayrılıb.

Vəsaitin 9 milyon 250 min lirası gənc rejissorların çəkəcəkləri ilk filmlərin payına düşür.

Qeyd edək ki, layihədə iştirak edəcək gənc rejissorlar arasında aparılan müsabiqədə 13 nəfər dövlət dəstəyi ilə ilk filmini çəkəcək.