“Amazon” şirkətinin sahibi Ceff Bezosun boşanmasından bir sutka sonra onun sevgilisi də boşanmaq qərarına gəlib.

Loren Sançes və əri Patrik Uaytsell Los-Anceles məhkəmələrinin birinə boşanmaq üçün müraciət ediblər. Məlum olub ki, tərəflər ərizəni vəkillərin müşayəti olmadan veriblər. Anlaşılan odur ki, Loren və Patrik vasitəçisiz bu barədə qərara gəliblər və səs-küysüz ayrılırlar. Hər iki tərəf iki uşağın qəyyumluğunu tərəf edir. Loren və Patrik 13 il evli olublar.

Lorenin ailəsi ilə Ceff bir ildir ki, tanışdır. Qərb mətbuatının xəbərinə görə, aktrisa ilə gizli-gizli görüşü Bezosun ailəsinin dağılması ilə nəticələnib.