Çin Xalq Respublikası (ÇXR) vətəndaşların hissələrini təhqir edən söz və əməllər təbii olaraq Çin cəmiyyəti tərəfindən qəbul edilmir və müqavimətlə qarşılaşır.

“İki sahil” TASS-a istinadla xəbər verir ki, bu barədə Çin XİN-in rəsmi nümayəndəsi Qo Szyakun İspaniyanın "Real Madrid" klubunun fransalı futbolçusu Kilian Mbappe ətrafında yaranmış vəziyyəti şərh edərkən bildirib.

"Çin xalqının hissələrini təhqir edən söz və əməllər, təbii ki, Çin cəmiyyətinin bütün təbəqələri tərəfindən yekdil müqavimətə səbəb olur", — deyə diplomat internetdə idmançının ÇXR-in banisi və respublikanın ilk sədri Mao Tszedun (1893–1976) haqqında zarafat etdiyini əks etdirən videonun yayılmasından sonra Çin şirkətlərinin Mbappe ilə əməkdaşlığı dayandırmasını brifinqdə şərh edərkən deyib.

Daha əvvəl musahibələrinin birində Mbappe bildirmişdi ki, onun ən sevdiyi mem qrafik redaktor vasitəsilə öz üzünün Mao Tzsedunun təsviri üzərinə yerləşdirildiyi fotodur. Buna cavab olaraq Çin şirkətləri Kilian Mbappe ilə reklam müqavilələrini pozmağa başlayıblar. Belə ki, "Dongpeng" energetik içkilər istehsalçısı və ÇXR-in ən böyük süd tədarükçülərindən biri olan "Mengniu" müvafiq bəyanatlarla çıxış ediblər.