Çin Xalq Respublikasının Xarici İşlər Nazirliyinin rəsmi nümayəndəsi Mao Nin Rusiya ilə daimi vizasız rejimin perspektivlərini şərh edərkən Pekinin Moskva ilə bu istiqamətdə əməkdaşlığı davam etdirməyə hazır olduğunu bildirib.

“İki sahil” xəbər verir ki, bu barədə "RİA Novosti" məlumat yayıb.

Çinli diplomat qeyd edib ki, iki ölkə arasında qarşılıqlı vizasız rejim haqqında razılaşma əldə olunduqdan sonra bu mexanizm vətəndaşların gediş-gəlişinin asanlaşdırılmasında və humanitar mübadilənin təşviqində mühüm rol oynayıb.

Mao Nin Pekinin rusiyalı tərəfdaşlarla dialoqu və qarşılıqlı əlaqəni saxlayacağını vurğulayıb.

Əvvəllər Rusiya Turizm Sənayesi İttifaqından (RST) verilən məlumata görə, Çinlə tətbiq olunan vizasız rejim mexanizmi ölkələr arasında turist axınının 20–30% artmasına səbəb olub.