NATO baş katibi Mark Rütte Almaniyanın ABŞ-dan uzaqmənzilli "Tomahawk" qanadlı raketləri satın almaq planının Rusiya Federasiyası ilə münasibətlərdə hərbi gərginliyin artmasına səbəb olmayacağını bəyan edib.

“İki sahil” xəbər verir ki,  Almaniyanın rəsmi "DPA" agentliyinin yaydığı məlumata görə, alyans rəhbəri bu hərbi müqavilənin regionda sabitliyi pozmayacağına əminliyini ifadə edib.

Mark Rütte hərbi tədarüklərin məqsədini şərh edərkən NATO-nun fundamental nizamnaməsinə diqqət çəkib: "NATO mahiyyətcə sırf müdafiə xarakterli bir hərbi-siyasi ittifaqdır və o, heç vaxt heç bir ölkəyə qarşı birinci olaraq hücum etmir."

Baş katib əlavə edib ki, Berlin tərəfindən "Tomahawk" raketlərinin arsenala daxil edilməsi birtərəfli aqressiv addım deyil, əksinə, Şərqi və Mərkəzi Avropada formalaşdırılan ümumi strateji çəkindirmə sisteminin mühüm və ayrılmaz bir parçası olacaq.