Dövlət Təhsil Şurası təxminən beş milyon məktəbi şagirdi üçün Müqəddəs Kitabın tədrisini məcburi etmək planını təsdiqləyib.

“İki sahil”in məlumatına görə, xarici media yazır ki, bu qərar ABŞ-də din və dövlət təhsili arasındakı sərhədlər barədə qızğın müzakirələrə səbəb olub.

2030-cu ildə qüvvəyə minməsi planlaşdırılan yeni tədris planı tələblərinə Müqəddəs Kitabdan parçaların oxunması daxildir.

Dini mətnlərin məcburi şəkildə daxil edilməsi insan hüquqları və təhsil təşkilatlarının tənqidinə səbəb olub. Qərarın əleyhdarları iddia edirlər ki, proqram xristianlığa üstünlük verir, dini və mədəni müxtəlifliyi məhdudlaşdırır.

Texas Azadlıq Şəbəkəsinin sözçüsü Felisiya Martin bildirib ki, tədris planı xristianlığı bütün digər dini ənənələrdən üstün tutur və müxtəlif mədəni və dini qrupların cəmiyyətin tarixinə verdiyi töhfələri əks etdirmir.

Müəllim birlikləri həmçinin müəllimlərin tədris planının hazırlanmasında müstəqilliyinin azalması və tələb olunan materialların həcmi səbəbindən həddindən artıq iş yükü ilə bağlı narahatlıqlarını ifadə ediblər.

İlkin siyahının azaldılmasına baxmayaraq, tənqidçilər bunun hələ də çox çətin olduğunu və tədrisin çevikliyini məhdudlaşdırdığını deyirlər.

Qərar Respublikaçıların nəzarətində olan şurada 9-5 səslə qəbul edilib və Respublikaçıların bir nümayəndəsi Demokratlara qoşularaq "yox" səsi verib.

Bu təşəbbüs Texasdakı mühafizəkar siyasətçilərin təhsildə dinin rolunu gücləndirmək üçün daha geniş miqyaslı səylərindən sonra irəli sürülüb. Ştat əvvəllər məktəblərdən On Əmri sinif otaqlarında nümayiş etdirməyi tələb edirdi ki, bu da hüquqi mübahisələrə səbəb olmuşdu.

ABŞ prezidenti Donald Tramp hadisələri şərh edərkən Vaşinqtonda keçirilən tədbirdə bildirib ki, din ABŞ-yə illərdir olduğundan daha güclü şəkildə qayıdır.