Avropa birjalarında qazın qiymətləri artaraq 1000 kubmetr üçün təxminən 500 ABŞ dolları səviyyəsinə yaxınlaşıb.

“İki sahil” xəbər verir ki,  bu barədə ICE məlumatları göstərir.

Ticarətin əvvəlində TTF indeksi üzrə may fyuçersləri 520 dollardan yuxarı qalxaraq 10%-dən çox artım nümayiş etdirib. TTF Avropada qaz qiymətlərinin əsas göstəricilərindən biri hesab olunur.

Sonradan isə artım tempi zəifləyib və səhər saatlarına kotirovkalar təxminən 494 dollar səviyyəsində formalaşıb ki, bu da əvvəlki göstəricidən 4,5% yüksəkdir.

Qiymət dinamikası əvvəlki ticarət gününün nəticəsi olan 472,7 dollar (1000 kubmetr üçün) səviyyəsindən hesablanır.