"Əl-İttihad" Benzemaya yeni müqavilə təklif edib.
“İki sahil” xəbər verir ki, bu barədə tanınmış jurnalist Nikolo Skira "X" hesabında məlumat paylaşıb.
Səudiyyə Ərəbistanı təmsilçisi 38 yaşlı Kərim Benzemaya 2028-ci ilin yayına qədər nəzərdə tutulan yeni müqavilə təklif edib. Ulduz futbolçunun hazırkı sözləşməsi isə iyunun 30-da başa çatır. Tərəflər arasında danışıqlar davam edir və klub rəhbərliyi razılığa gəlməyə maraqlıdır.
Qeyd edək ki, fransalı hücumçu cari mövsümdə Səudiyyə Liqasında meydana çıxdığı 10 oyunda 7 qola imza atıb.
Xatırladaq ki, Benzema 2023-cü ilin iyulundan "Əl-İttihad"ın formasını geyinir. O, 2009-cu ildən şərəfini qoruduğu "Real"dan ayrıldıqdan sonra azad agent kimi ərəb klubuna keçib.
