Rusiya prezidentinin köməkçisi Yuri Uşakov bildirib ki, Donbasda Rusiya qoşunları olmaya bilər, amma Rusiya Milli Qvardiyası və polis olacaq.

“İki sahil” xəbər verir ki, bu barədə "Kommersant" məlumat yayıb.

"Orada nə rus, nə də ukraynalı qoşunların olmayacağı tamamilə mümkündür. Amma Rusiya Milli Qvardiyası, polisimiz, asayişi qorumaq və həyatı təşkil etmək üçün lazım olan hər şey olacaq", - deyə Yuri Uşakov bildirib.

11 dekabrda Ukrayna Prezidenti Volodimir Zelenski ölkənin Ukrayna ordusunun Donbasdan çıxarılması ilə bağlı referendum keçirməli olduğunu elan edib. Buna cavab olaraq Uşakov Donbasın Rusiya ərazisi olduğunu bildirib.

"O, administrasiyalarımızın nəzarəti altında olacaq", - deyə Uşakov bildirib. "Danışıqlar yolu ilə olmasa, ordu bu ərazini Rusiya Federasiyasının tam nəzarəti altına keçirəcək. Qalan hər şey bundan asılı olacaq. Başqa sözlə, atəşkəs yalnız Ukrayna qoşunlarının çıxarılmasından sonra baş verə bilər", - deyə o əlavə edib.