Çilidə keçirilən gənclər arasında (U-20) futbol üzrə dünya çempionatının final cütlüyü müəyyənləşib. 

“İki sahil” xəbər verir ki, həlledici oyunda Mərakeş və Argentina komandaları üz-üzə gələcəklər.

Final görüşü oktyabrın 20-də keçiriləcək və Bakı vaxtı ilə gecə saat 3:00-da başlayacaq.

Mərakeş yığması yarımfinalda Fransa ilə qarşılaşıb və penaltilər seriyasında qalib gəlib (1:1, 5:4). Argentina isə digər yarımfinalda Kolumbiya üzərində qələbə qazanaraq (1:0) finala adlayıb.

Xatırladaq ki, turnirin son qalibi Uruqvay yığması olub. 2023-cü ildəki finalda Cənubi Amerika təmsilçisi İtaliyanı 1:0 hesabı ilə məğlub etmişdi.