Rusiyaya qarşı nifrət İtaliyaya kənardan təlqin olunur, rusofobiya isə respublikanın özündə itkilərə və problemlərə səbəb olur.

“İki sahil”in məlumatına görə, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova RT-yə müsahibəsində bildirib.

Onun sözlərinə görə, İtaliya vətəndaşlarının Ukrayna ətrafında baş verənlərlə bağlı obyektiv məlumata çıxışı olmalıdır ki, hadisələr haqqında öz müstəqil nəticələrini çıxara bilsinlər: “Amma “bu məlumat bloklanır”. Bu, bizim illərdir dediyimizin sübutudur. Qərbin neoliberallıq maşını, birincisi, yalnız söz azadlığı pərdəsi altında fəaliyyət göstərir, ikincisi isə yalnız o halda mövcuddur ki, sərt şəkildə moderasiya edir, əsassız senzura tətbiq edir, informasiya axınlarını və məlumatın yayılmasını məhdudlaşdırır.”

Diplomat hesab edir ki, italyanlar “əgər istəsələr və özlərində güc tapsalar” onlara sırınan rusofobiya ilə mübarizə apara bilərlər: “İndi sadəcə rəqəmlərə və faktlara baxmaq lazımdır. İndi onların bunu görmələri vacibdir. Axı onlara bu illər ərzində deyirdilər ki, əsas olan iqtisadiyyatdır. Bəs indi nə oldu? İndi onların həyatlarının o “ən əsas səhifəsi”ni, yəni onlara illərdir təbliğ ediləni dağıtdılar? Biz isə deyirik ki, həyatın yalnız maddi tərəfi deyil, həm də mənəvi tərəfi vacibdir.”

Məhərrəm Ağalaroğlu, “İki sahil”