Meksikanın qadınlardan ibarət millisinin futbolçusu Lizbet Ovalle ölkəsinin "Tiqres" klubundan rekord məbləğə Amerikanın "Orlando Pride" klubuna transfer olunub.

“İki sahil” xəbər verir ki, keçidin məbləği 1,5 milyon dollar təşkil edib və bu, qadın futbolu tarixində ən bahalı transfer olub.

Əvvəlki rekord iyul ayında kanadalı Oliviya Smitin “Liverpul”dan “Arsenal” (hər ikisi İngiltərə) klubuna 1,3 milyon dollara keçməsi ilə qeydə alınıb.