Milli Ordunun müdafiə qüdrətinin və döyüş qabiliyyətinin artırılması, maddi-texniki təchizatının yaxşılaşdırılması daim diqqət mərkəzindədir. Bu sahədə həyata keçirilən sistemli və ardıcıl islahatlar nəticəsində Azərbaycan Silahlı Qüvvələri bu gün regionun ən güclü və peşəkar ordularından birinə çevrilmişdir.

Ordunun modernləşdirilməsi Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi ilə ordu quruculuğu daim dövlət siyasətinin prioritet istiqamətlərindən biri olub. Silahlı Qüvvələrin döyüş hazırlığının artırılması, müasir texnologiyalarla təchiz olunması və peşəkar kadrların yetişdirilməsi üçün hər il milyonlarla vəsait ayrılır. Orduda tətbiq olunan yüksək texnologiyalı silah sistemləri, pilotsuz uçuş aparatları, artilleriya qurğuları və müasir idarəetmə sistemləri müdafiə qabiliyyətimizi daha da möhkəmləndirib.

üasir dövrün tələblərinə uyğun olaraq, hərbi hissələrdə döyüş hazırlığı təlimləri davamlı şəkildə aparılır. Beynəlxalq səviyyədə keçirilən birgə hərbi təlimlər – xüsusilə Türkiyə, Pakistan və digər dost ölkələrlə əməkdaşlıq – Azərbaycan Ordusunun təcrübə və taktiki səviyyəsinin yüksəlməsinə mühüm töhfə verir.

Hərbi təhsil sistemində də əsaslı dəyişikliklər aparılmış, Hərbi Akademiyalar, Heydər Əliyev adına Ali Hərbi Məktəb kimi müəssisələr ordu üçün savadlı və hazırlıqlı zabitlər yetişdirir.

Azərbaycan dövləti hərbçilərin sosial rifahının yüksəldilməsini də diqqət mərkəzində saxlayır. Maaşların artırılması, yeni mənzillərin verilməsi, hərbi şəhərciklərin və infrastrukturun yenilənməsi bu sahədə mühüm addımlardır. Hərbçilərin ailələri də bu qayğıdan faydalanır.

Bundan əlavə, ordu sıralarında milli ruh, vətənpərvərlik və vətənə sədaqət prinsipləri əsas yer tutur. Bu, xüsusilə 44 günlük Vətən müharibəsində açıq şəkildə özünü göstərdi – Azərbaycan əsgəri canı bahasına torpağını qorumağa və azad etməyə qadir olduğunu sübut etdi.

Azərbaycan Ordusu 2020-ci ildə Vətən müharibəsində düşmənə sarsıdıcı zərbə vuraraq 30 ilə yaxın işğal altında qalan torpaqlarımızı azad etdi. Bu Qələbə – məhz güclü müdafiə qüdrətinə, yüksək döyüş qabiliyyətinə və vətənə bağlı əsgərlərə sahib olmağın nəticəsidir.

Müharibədən sonra da işğaldan azad olunmuş ərazilərdə yeni hərbi hissələr yaradılır, sərhədlərimiz möhkəmləndirilir və ordu modernləşdirilməyə davam edir.

Azərbaycan Ordusu bu gün təkcə müdafiə funksiyası yerinə yetirən qurum deyil, həm də ölkənin suverenliyini və gələcəyini qoruyan, sülhün və sabitliyin təminatçısı olan güclü bir qaladır.

Ordumuz – dövlətimizin dayağı, xalqımızın qürurudur!

Ülvü Abbasov,
YAP Xətai rayon təşkilatının fəalı