İmişli Rayon İcra Hakimiyyətinin başçısı Elçin Rzayev icra aparatının məsul işçiləri, rayonun hüquq-mühafizə orqanlarının, xidmət təşkilatlarının rəhbərlərinin iştirakı ilə Allahmədətli kəndində növbəti səyyar qəbul keçirib.

“İki sahil” xəbər verir ki,  qəbulda Allahmədətli kənd sakinləri ilə yanaşı icra nümayəndəliyini əhatə edən Telişli kəndinin sakinləri də iştirak ediblər.

Qəbul başlamamışdan öncə icra başçısı çıxış edərək sakinləri salamlayaraq bildirib ki, yerlərdə səyyar qəbulların keçirilməsində məqsəd vətəndaşların gündəlik qayğı və problemlərinin öyrənilməsi, onları narahat edən məsələlərin yerində araşdırılması, habelə qaldırılan məsələlərin ədalətli həllinə nail olunması ilə bağlıdır. Daha sonra icra başçısı rayon ərazisində aparılan abadlıq-quruculuq işləri, həyata keçirilən infrasturuktur layihələri və qarşıda duran vəzifələrlə bağlı sakinlərə ətraflı məlumat verib. Səmimi söhbət əsasında keçən görüşdə sakinlər minnətdarlıqla yanaşı, onları narahat edən bir sıra məsələlərdən də söz açıblar. Hər bir vətəndaşın müraciəti qeydiyyata alınaraq problemlərin aradan qaldırılması istiqamətində aidiyyəti üzrə müvafiq göstəriş və tapşırıqlar verilib.