Ermənistan baş prokurorluğu məhkəmə qarşısında silahlı qüvvələrin keçmiş baş qərargah rəisi Movses Akopyanın və raket qoşunları və artilleriya idarəsinin keçmiş rəisi Armen Arutyunyanın 4,5 milyard dram (təxminən 11 milyon dollar) ödəmələri iddiasını qaldırıb.

“İki sahil” xəbər verir ki, bu barədə Ermənistan KİV-i məlumat yayıb.

Nəzarət qurumu bu vəsaitlərin mənşəyini qanunsuz hesab edir.

Bundan əlavə, 9 il əvvəl Akopyanın Baş Qərargaha rəhbərlik etdiyi dövrdə 4,3 milyard dram məbləğində Rusiyadan yararsız olduğu iddia edilən hərbi texnikanın alınması ilə bağlı iş də məhkəməyə təqdim edilib.

Daha əvvəl bəzi KİV-lər Arutyunyanın bu iş üzrə bəraət aldığını, Akopyana qarşı isə yeni ittihamların irəli sürüldüyünü yazıb.