ATİAHİ Respublika Komitəsinin dəstəyi ilə həyata keçirilən psixoloji dəstək layihəsi çərçivəsində mart ayında 526 təhsil işçisi bu xidmətdən yararlanıb.

“İki sahil” xəbər verir ki, bu dəfə təlimlər Bakı şəhərinin Nizami, Xəzər və Xətai rayonlarında fəaliyyət göstərən ümumtəhsil məktəblərində çalışan müəllimlər üçün təşkil edilib.

Təlimlər zamanı iştirakçılara peşəkar psixoloqlar tərəfindən layihənin məqsədi barədə ətraflı məlumat verilib, onların sualları cavablandırılıb və mövzu ətrafında müzakirələr aparılıb. Təlimin əsas məqsədi təhsil işçilərinin psixoloji rifahını yüksəltmək və onların peşə fəaliyyətində qarşılaşdıqları çətinliklərdə dəstək göstərməkdir.