Fransanın Strasburq şəhərində tramvayların toqquşması nəticəsində azı 30 nəfər xəsarət alıb.

“İki sahil” yerli “Actu17” nəşrinə istinadən xəbər verir ki, tramvaylardan biri digərinin yoluna çıxıb. Qəzada azı 30 nəfər yaralanıb, onlardan beşinin vəziyyəti ağırdır.

Nəşr hesab edir ki, qəzaya ilkin səbəb kimi açarların dəyişdirilməsində səhv ola bilər.

Vurğulanıb ki, Strasburq stansiyasında tramvay hərəkəti hər iki istiqamətdə dayandırılıb.