Rusiya Federal Hava Nəqliyyatı Agentliyi Kazan hava limanının fəaliyyətinə qoyulan məhdudiyyətləri aradan qaldırıb. Onların fəaliyyət göstərdiyi müddətdə altı reys alternativ aerodromlara yönləndirilib.

“İki sahil” xəbər verir ki, bu haqda "Kommersant" məlumat yayıb.

Kazan hava limanı bu gün səhər saatlarında fəaliyyətini müvəqqəti dayandırıb. Məhdudiyyətlər təyyarələrin uçuşlarının təhlükəsizliyini təmin etmək məqsədilə tətbiq edilib.

Sonuncu dəfə hava limanı dekabrın 21-də fəaliyyətini dayandırmışdı. Həmin gün, Müdafiə Nazirliyinin məlumatına görə, Kazanda altı PUA vurularaq məhv edilib. Meriya şəhərin üç rayonunda yanğınlar barədə məlumat verib.