Bu gün Azərbaycan Basketbol Liqasında VI tura start veriləcək.

“İki sahil” xəbər verir ki, A qrupunda iki qarşılaşma keçiriləcək.

İlk olaraq "Naxçıvan" "Neftçi" ilə üz-üzə gələcək. Oyun saat 15:30-da start götürəcək. Bölgə təmsilçisi 9 xalla ikinci, "ağ-qaralar" 5 xalla sonuncu - altıncı pillədə qərarlaşıb.

Günün ikinci görüşündə "Sərhədçi" və "Sabah" kollektivləri münasibətlərə aydınlıq gətirəcəklər. Paytaxt klublarının dueli saat 18:30-da başlayacaq. "Sərhədçi" 8 xalla üçüncü, "bayquşlar" 10 xalla birincidir.

Qeyd edək ki, turun digər oyunları 11, 13 və 14 dekabrda gerçəkləşəcək.